XXVII Premiu de Poesía "Fernán Coronas" 2021

La Sociedá Popular La Regalina de Cadavéu convoca'l XXVII Premiu de Poesía "Fernán Coronas" (Padre Galo) coles siguientes bases:

1. Podrán presentase toles persones que nun ganaran el premiu n'ediciones anteriores, con un poemariu compuestu por poemes inéditos, orixinales, escritos en llingua asturiana (nun puen ser tornes d'otres llingües) y con un mínimu de 275 versos.
2. La presentación pue facese pel corréu electrónicu, unviando enantes del día 31 de xulio los poemarios en formatu Word o PDF a splaregalina@gmail.com
   Los trabayos dirán encabezaos per un títulu y firmaos namás con un seudónimu.
   Nel correú electrónicu axuntaráse un archivu aparte, que la organización (Sociedá Popular La Regalina) guardará en secretu, ensin que'l xuráu pueda conocelu enantes del fallu, colos datos siguientes: nome, teléfono, señes, DNI y títulos presentaos al concursu.
3. Concederáse un únicu premiu de 900 euros, contemplándose al mesmu tiempu la so publicación.
4. El Xuráu nun podrá declarar ermu el premiu y el so fallu nun se pue retrucar. Del resultáu darase anuncia nun actu públicu en Cadavéu, el día 7 d'agostu, aniversariu del nacimientu del Padre Galo.