Presentación del l.libru "Quiero ser arcu iris" en L.luarca

El vienres 12 d'avientu, a les 19:30 hores, na Casa Municipal de Cultura de L.luarca tendrá l.lugar l'actu de presentación del l.libru "Quiero ser arcu iris" de la escritora valdesana Mª Esther García López, editao por Pintar Pintar.

L'actu entamará cola escenificación del cuentu, pa nenos ya nenas de 4 a 8 años, a cargu de l'actriz Olga Cuervo.

Intervienen nel actu Mª Esther García López, autora, Reyes Fernández Medina, ilustradora, Ángela Sánchez, editora, Teresa Estrada Villazón, direutora de la Fundación Cruz de los Ángeles, ya que l'autora cede los derechos de venta d'esta obra a esta fundación.

Pechará l'actu l'alcalde de Valdés, Simón Guardado Pérez.