XXI Premio de Poesía "Fernán Coronas"

La Sociedá Popular "La Regalina", de Cadavéu-Valdés, (Principáu d´Asturies) convoca´l XXI Premiu de Poesía "Fernán Coronas" (Padre Galo) coles siguientes bases: 

1- Podrán presentase toles persones que nun ganaran el premiu n´ediciones anteriores, con un poemariu compuestu por poemes inéditos, orixinales, escritos en Llingua Asturiana (nun puen ser tornes d´otres llingües) y con un mínimo de 275 versos. 

2- Los trabayos entregaránse por quintuplicáu nos locales sociales de la Sociedá Popular "La Regalina", asitiaos nel Casino (C/ Curión, s/n- Cadavéu-Valdés), o enviaránse per corréu enantes del día 18 de xunetu. Dirán ensin firma, con un lema o nomatu. Nun sobre zarráu dirán les señes del /la autor/a col mesmu lema o nomatu que´l del poemariu. 

3- Concederáse un únicu premiu de 900 euros , contemplándose al mesmu tiempu la so publicación. 

4- El Xuráu nun podrá declarar desiertu el Premiu y el so fallu nun se pue retrucar y daráse a conocer nun actu públicu en Cadavéu, el día 7 d´agostu, aniversariu del nacimientu del Padre Galo.

5- Los trabayos non premiaos podrán recoyese nos locales de la Sociedá Popular "La Regalina" dientru los 30 díes posteriores al fallu. 

Fuente: Sociedad Popular "La Regalina"