Que Femos

Que Femos, la agenda de fiestas, ocio, cultura y deporte para disfrutar del Occidente de Asturias.

El Portalín sds

XVI Seminariu d’Estudios Asturianos de la Fundación Belenos en Allande

XVI Seminariu d’Estudios Asturianos de la Fundación Belenos en Allande
RGB Photosport sds
Xurde P. Lejarza

Publicado por Xurde P. Lejarza el 20 de noviembre de 2015

El XVI Seminariu d’Estudios Asturianos de la Fundación Belenos va celebrase na Puela d'Allande los díes 21 y 22 de payares al rodiu de “El rei de la cubil. El gochu na cultura asturiana”.

El sábadu 21 ye’l día acutáu pa la presentación de ponencies, coles intervenciones, n’horariu de mañana, d’Antón Álvarez Sevilla (La castra asturcelta: el gochu’l país) y Lluis Nel Estrada Álvarez (El gochu na gastronomía asturiana d’anguaño), y n’horariu de tarde de Roberto González-Quevedo González (Aspeutos rituales, económicos ya sociales de la matanza’l gochu) y Alberto Álvarez Peña (Mitos y tradición oral al rodiu’l gochu n’Asturies). Esti día rematará col tradicional filandón, fiesta asturiana de nueite con música del país nel Café Centro.

 
El domingu 22 va visitase una casería del conceyu pa ver el procesu y ellaboración tradicional de los productos del gochu. Amás, nel trescursu’l Seminariu fairáse una ellaboración demostrativa d’un choscu, a cargu de la IXP Choscu de Tinéu.

El preciu de la matrícula ye de 30 € y la inscripción considérase fecha namái que col ingresu d’esi importe na cuenta bancaria de la Fundación Belenos (ES24-2048-0000-26-3400123307) conseñando’l nome y apellíos de la persona matriculada. Amás, esiste la posibilidá d’agospiu opcional en réxime de pensión completa en “La Nueva Allandesa” a un preciu por persona de 60 € (igual que cola matrícula, la reserva queda afitada col ingresu del importe na cuenta de la Fundación Belenos, indicando nidiamente nome y apellíos).

Pa más información sobre’l XVI Seminariu d’Estudios Asturianos pue contautase cola Fundación Belenos nos teléfonos 985244811 / 616242319 o nos correos: seminariubelenos@gmail.com fundacionbelenos@gmail.com

 
 
Fuente: Nota de prensa de la Fundación Belenos

 

AsturEvento2 sds

Envía tu comentario

Abuelo Justo Extra sds
Artesanamente sds
Novak sds