Que Femos

Que Femos, la agenda de fiestas, ocio, cultura y deporte para disfrutar del Occidente de Asturias.

Hotel Blanco sds

XIX Concurso de Cuentos Cortos en Asturiano en Cangas del Narcea

XIX Concurso de Cuentos Cortos en Asturiano en Cangas del Narcea
Diana Alba F.

Publicado por Diana Alba F. el 15 de abril de 2021

InésHurtado sds

-NOTA DE PRENSA-

 

El Conceyu de Cangas, al traviés del Serviciu de Normalización Ḷḷingüística, publicóu yá las bases del XIX Concursu de Cuentos Curtios del Conceyu Cangas, dotáu con dous premios, unu pal meyor relatu na variedá occidental ya outru pal meyor cuentu escritu n'asturianu estándar. Los relatos han presentase primeiro del 31 de santamarina, na oficina del Serviciu de Normalización Ḷḷingüística, yá sea de manera presencial ou por corréu postal nun sobre ensin remite. Los relatos han tar firmaos por un pseudónimu ya incluir una plica ou se dean a conecer los datos reales de l'autora/autor. 

La temática del concursu ía l.libre ya las obras inéditas han tener una extensión mínima de cinco fueas ya una máxima de venti, presentadas a espaciu doble ya formatu DIN A4. Los cuentos van ser valoraos por un xuráu compuestu pol conceyal de Cultura de Cangas, la responsable del Serviciu de Normalización Ḷḷingüística, una/un representante de la Rede de Normalización Llingüística nos Conceyos, amás de profesoráu ya autoras/es en l.lingua asturiana. El xuráu vei comunicar los resultaos a las personas ganadoras por vía telefónica ou corréu electrónicu.  

Escolinas/os

Pa las ya los más pequenas/os del conceyu abríu'l plazu pa presentase al XII Concursu de Cuentos n'Asturianu "Otilio Álvarez Rodríguez", nel que vei poder participar l'alumnáu matriculáu nos cursos de 3u, 4u, 5u ou 6u de Primaria matriculáu en dalgún centru educativu del conceyu.  Las obras han presentase antias del 5 de mayu, dunviando a la Casa la Cultura tódolos trabayos del mesmu centru educativu nun sobre únicu, conos cuentos firmaos por un pseudónimu ya acompañaos d'una plica conos datos reales del alumnáu.

Las obras han presentase manuscritas, con una fuea d'extensión mínimo ya cinco máximo. Los trabayos han presentase en formatu DIN A4  ya nun van volvese a las personas participantes, porque van ser expuestos ya usaos en campañas futuras de normalización social.

El xuráu encargáu de valorar los cuentos presentaos vei tar compuestu por José María Álvarez Carro, conceyal de Cultura de Cangas del Narcea; Rosa Caballero, técnica de la Oficina Moza; Mónica Rodríguez, técnica del Serviciu de Normalización Ḷḷingüística; Elena Martínez, técnica del Centro de Dinamización Tecnológica de Cangas del Narcea; ya  Noelia Rodríguez, coordinadora del Aria de Cultura. Los resultaos del concursu van ser comunicaos por carta ou teléfonu a las personas ganadoras ya los premios, dotaos con material escolar ya literatura infantil n'asturianu, entregaos nun actu públicu durante la celebración de la Sumana de las L.letras Asturianas. 

Envía tu comentario

AsturEvento2 sds
María Goti sds
Blanco cortesia sds