Que Femos

Que Femos, la agenda de fiestas, ocio, cultura y deporte para disfrutar del Occidente de Asturias.

Gran Vía en Boal sds

Cangas del Narcea conmemora'l Día Internacional de la L.lingua Materna cona campaña "Asina los chamemos aiquí"

Cangas del Narcea conmemora'l Día Internacional de la L.lingua Materna cona campaña "Asina los chamemos aiquí"
Diana Alba F.

Publicado por Diana Alba F. el 19 de febrero de 2021

Gran Vía sds

-NOTA DE PRENSA-

El Conceyu de Cangas del Narcea, al traviés del Serviciu de Normalización L.lingüística, presentóu con motivu del Día Internacional de la L.lingua Materna, que, cumo cada anu, celébrase'l 21 de febreiru, la campaña "Asina los chamemos aiquí", cona que se pretende dar a conecer la denominación d'especies de la fauna ya la flora no dialectu occidental del asturianu. Trátase d'una campaña que se presenta güei nas redes sociales ya que vei fadese chegar a tódolos centros educativos del conceyu ya de la redolada, Tinéu, Ayande ya Degaña. Nesta campaña muéstranse los nomes que fonon perdurando no tiempu nel ámbitu familiar, reivindicándose ya dignificándose esa tresmisión interxeneracional de conecimientos tan importante. 

Nos carteles pueden vese un total de 48 exemplares, ente el.los: l'osu, la l.lóndriga, el carbayu/carbachu/rebol.lu, el sardon/xardón, la pega ou'l feisán, ente outros. Acompañan a las imáxenes unas claves que facilitan la interpretación de los conteníos. 

Amás d'esta campaña, el Serviciu de Normalización L.lingüística de Cangas del Narcea presentóu nesti mes últimu una campaña de píldoras formativas sobre l'asturl.lionés ya, al traviés de la Rede de Normalización L.lingüística nos Conceyos, la campaña "¿Qué nos toca...?", que pretende fomentar el consumu responsable, mostrándonos frutas ya verduras que podemos comer en cada época del anu cono vocabulariu propiu de las zonas diferientes d'Asturias. Tamién se mantién activa, al traviés de las redes sociales, la campaña "¿Qué cousa, cousel.lina ía...?", cona que pretende dase a conecer el nome n'asturianu occidental d'elementos diferientes ya que ta teniendo muita aceptación na rede. 

 

Envía tu comentario

AsturEvento2 sds
María Goti sds
Novak sds